Shymkentte jylý berý maýsymy jospardan erte bastalady

TÚRKІSTAN. QazAqparat - Shymkentte jylý berý maýsymy josparlanǵan ýaqyttan erte bastalady. Qala basshylyǵy kúnniń kúrt sýytýyna baılanysty jylýdy qarasha aıynda emes, qazan aıynan bastap berý týraly sheshim qabyldady, dep habarlaıdy QazAqparat tilshisi.

Qazir qalany jylýmen qamtamasyz etetin «Energo ortalyq-3» AQ-y jylý júıelerin sýǵa toltyrýda. Al, erteń 12-shi qazannan bastap sý temperatýrasy birtindep kóteriledi dep kútilýde.

Mamandardyń aıýynsha, 15-shi qazannan bastap barlyq bıýdjettik uıymdarǵa jylý berilmek. 20-shy qazannan bastap jylýǵa kópqabatty úıler qosylady.

Aıta keteıik, jyldaǵy erejege sáıkes Shymkentte jylý berý maýsymy úsh kún boıyna ortasha táýliktik temperatýra +8 gradýstan tómen bolǵan jaǵdaıda bastalady. Aldaǵy kúnderi aýa temperatýrasy +21 gradýsqa deıin kóteriledi dep kútilse de, qala ákimdigi barlyq bıýdjettik uıymdarǵa, ásirese aýrýhanalarǵa, mektepter men balabaqshalarǵa jylý berý qajet dep taýyp otyr.

Jalpy sınoptıkterdiń boljamynsha, Shymkentte aýa temperatýrasy tek jeksenbi, 14 qazan kúni ǵana tómendemek.

Eskerte keteıik, osyǵan deıin Shymkente jylý berý maýsymy qarasha aıynda bastalatyndyǵy habarlanǵan bolatyn.