Shymkentte jylý berile bastady

ShYMKENT. QazAqparat - Bıyl jylý jyldaǵydan erte berile bastady, oǵan aýa raıynyń kenet sýytýy sebep boldy. Buǵan deıin áleýmettik nysandardaǵy jeke qazandyqtar iske qosylsyn degen ókim shyǵarǵan Shymkent qalasynyń basshysy 18 qazan kúni saǵatyna 160 gıgakolorııa jylý óndiretin qazandyqtardy iske qosýǵa tapsyrma berdi, dep habarlaıdy otyrar.kz">otyrar.kz .

Qala ákiminiń 14 qazandaǵy úkimine saı qaladaǵy 331 áleýmetik nysan tolyǵymen jeke qazandyqtaryn iske qosqan, onyń 121-si - bilim mekemesi. Turlan eldimekenindegi №54 qazandyq iske qosylsa, taǵy bir mektep pen eki balabaqshaǵa jylý berildi. Sondaı-aq, Nursát shaǵynaýdanyndaǵy saǵatyna 160 gıgakolorııa jylý óndiretin qazandyqtan ákimshilik-iskerlik ortalyǵyndaǵy 32 kóp qabatty úıdiń 24-i jylýǵa qosyldy.

Budan bólek, Sport shaǵynaýdanyndaǵy - №24, Qatyn kópir eldimekenindegi №49 jáne Teriskeı shaǵynaýdanyndaǵy №3 qazandyqty da iske qosý jospary bar. Shymkenttegi ortalyq júıeden jylý alatyn 1 400-den astam kóp qabatty úı turǵyndaryna jylý 25 qazanan keıin ǵana berile bastaıdy. Bul jaıynda qala ákiminiń orynbasary Beısenbek Janbosynov málimdedi. Onyń aıtýynsha, búginnen bastap ózderi jylý óndirýge múmkindigi bar shaǵyn qazandyqtardy iske qosý bastaldy. Bul qazandyqtardan 350 kóp qabatty úı jylý alatyn bolady. Al 3-energoortalyqtan jylynatyndar kúte turýy kerek. Búgingi tańda atalmysh energoortalyq jumys jasaýǵa kiristi. Endi júıelerdi sýmen toltyrý jumystary bar.