Shymkentte jylqy tepken 9 jasar balaǵa birneshe ota jasaldy
Jylqy tepken balanyń joǵary jaq - bet jáne kóz súıekteri aýyr jaraqattanyp, buǵanasy synyp ketken. Sondyqtan balalar klınıkalyq aýrýhanasynyń dárigerleri aýyr dene jaraqatyn alǵan jetkinshekke bir mezette birneshe kúrdeli ota jasady.
Birinshi kezekte operatsııany aýrýhananyń jaq – bet hırýrgy N.Ordabaev, anestezıolog dáriger B.Álmenov, oblystyq balalar aýrýhanasynyń jaq – bet hırýrgy A. Tuıaqbaev jáne oblystyq klınıkalyq aýrýhanasynyń jaq – bet hırýrgy E.Turabekov jasap shyqty.
Munan keıin qalalyq balalar klınıkalyq aýrýhanasynyń travmatologııa ortopedııa bólimshesiniń meńgerýshisi, travmatolog dárigeri B.Turdyqulov balanyń synǵan buǵanasyna ota jasady.
«Qatarynan jasalǵan kúrdeli operatsııalar sátti ótti. Balanyń jaǵdaıy jaqsy. Patsıent qazir otolarıngologııa jáne jaq – bet hırýrgııasy bólimshesinde em alyp jatyr» - delingen Shymkent qalasy ákimdigi taratqan aqparatta.