Shymkentte jylannan qorqyp, kómek shaqyrýshylar kóbeıip ketti

ShYMKENT. QazAqparat – Shymkent qutqarý qyzmetin jylannan qorqyp shaqyrǵandar sany kóbeıgen. Qalalyq tótenshe jaǵdaılar departamentine ótken aptada onnan asa osyndaı qońyraý túsken, dep habarlaıdy QazAqparat tilshisi.

Vedomstvonyń málimetinshe, mamyr aıynyń basynan beri qala aýmaǵynda jylanǵa baılanysty 6 oqıǵa tirkelgen.

«Shymkent qalasyndaǵy «Azat» móltekaýdanynyń Yntymaq 1 «A» úıdiń ishinde, Lıhacheva ótkeli 1/21 úıdiń aýlasynda, Alımbetov kóshesi 24 úı, «Karına» balabaqshasynyń aýlasynda, «Tassaı» shaǵynaýdany Muńaıtpasov kóshesindegi úıdiń aýlasynda, Nurtas shaǵynaýdany 190-oram, 13-ýchaskedegi úıdiń aýlasynda, «Elaman» shaǵynaýdany, Kókjelik kóshesi 10/46 ýchaskedegi úıdiń aýlasynda jylan júrgeni týraly habar tústi. Qutqarýshylar osy mekenjaılarǵa baryp, jylandardy arnaıy quraldar arqyly ustady. Sóıtip qaýipsiz jerge shyǵaryp tastady», - delingen habarlamada.

Ázirge adamdardy jylan shaqqany jóninde aqparat túspegen. Degenmen qalanyń qutqarý qyzmeti turǵyndarǵa abaı bolýdy eskertedi.

«Sáýirdiń ortasy men mamyr aıynyń sońynda jylandarda juptasý protsesi jalǵasady. Osy kezeńde olar eń qaýipti jáne yzaqor bolyp keledi» delingen habarlamada.