Shymkentte jyl úzdigi atanǵan BAQ ókilderi marapattaldy

ShYMKENT. QazAqparat – Shymkentte jyldyń úzdigi atanǵan BAQ salasynyń ókilderi marapattaldy. Qala ákimi Erlan Aıtahanov qalamy qarymdy jýrnalısterdiń eńbekterin atap ótip, izgi tilegin jetkizdi, dep habarlaıdy QazAqparat tilshisi.

Aıta keteıik, buǵan deıin qalalyq ishki saıasat jáne din isteri basqarmasy BAQ arasynda «Jyl úzdikteri» baıqaýyn jarııalaǵan bolatyn. Baıqaýǵa qaıyrymdy qalanyń ekonomıkalyq-áleýmettik, rýhanı-mádenı damýyna qatysty saraptamalyq, aqparattyq materıaldar qabyldanyp, úzdik shyqqan shyǵarma ıeleri anyqtaldy.

Búgin baıqaýdyń qortyndysy jarııalanyp, «Úzdik redaktsııa» jáne «Úzdik jýrnalıst» nomınatsııalary boıynsha jeńimpazdar qarjylaı syılyqtarmen marapattaldy.

Sondaı-aq, qala ákiminiń arnaıy «Alǵys haty» birqatar azamattarǵa tabystaldy. Olardyń arasynda jýrnalıster, blogerler, tipti qala kóshesin tazalap júrgen qoǵamdyq jumysshyǵa kómek kórsetken «Qaıyrymdy polıtseıde» bar.

Shymkent qalasynyń ekonomıkalyq-áleýmettik, rýhanı-mádenı damýyna qatysty qalam terbetken «Shymkent kelbeti» jáne «Panorama Shymkenta» gazetteriniń ujymy «ÚZDІK REDAKTsIıA» atandy. Al, «Ońtústik» telearnasynyń tilshisi «Úzdik júrnalıst» nomınatsııasyn ıelendi. Jyldyń úzdigi atanǵan bul ujymǵa 500 myń teńgeden qarjylaı syılyq tabystaldy.

Sonymen qatar, «Jyl úzdigi» nomınatsııa ıeleri de marapattalyp, qarjylaı syılyqtarǵa ıe boldy.