Shymkentte jyl basynan beri jol apatynan 9 bala ajal qushqan
ShYMKENT. QazAqparat - Shymkentte jyl basynan bergi 4 aıda 132 jol apaty tirkelip, saldarynan 9 bala qaıtys bolǵan. Taǵy 143 jasóspirim túrli dene jaraqatyn alypty. Bul týraly qalalyq Jergilikti polıtsııa qyzmeti málimdedi. Osyndaı jol kólik oqıǵalarynyń aldyn alý úshin polıtseıler men mektep oqýshylary búgin jol boıynda «Ómirińdi saqta!» aktsııasyn ótkizdi, dep habarlaıdy QazAqparat HAA tilshisi.
Tártip saqshylarynyń aıtýynsha jazǵy demalys kezinde balalardyń jol apatyna ushyraý oqıǵalary kóbeıip ketedi. Qaıǵyly jaǵdaılardyń aldyn alý úshin búgin 150 oqýshy men ishki ister qyzmetkerleri jol júrý erejesin saqtaý týraly eskertýler jazylǵan plakattar ustap shyqty. Onda júrgizýshilerdi jolda erejelerdi saqtaýǵa, al balalardy abaı bolýǵa shaqyratyn kórinister beınelengen. Sondaı-aq júrgizýshilerge kitapshalar taratyldy.
«Bizder árbir júrgizýshi kólik róline otyrǵanda jol júrý erejelerin saqtap júrse eken deımiz. Júrgizýshiler ǵana emes, jaıaý júrginshi de jol qozǵalysynyń bir múshesi ekenin umytpasa eken deımiz», - deıdi Shymkent QІІB Jergilikti polıtsııa qyzmetiniń bastyǵy Danııar Meıirhan.
Aktsııanyń sońynda polıtseıler men oqýshylar 150 sary-jasyl tústi shardy áýege ushyrdy.
