Shymkentte jyl basynan beri 63 myńnan astam júrgizýshi kýáligi rásimdelgen

ShYMKENT. QazAqparat – Shymkent qalasynyń mamandandyrylǵan HQO-synda jyl basynan beri 290 myńnan astam memlekettik qyzmet kórsetilgen. Qala turǵyndary 63 myńnan astam júrgizýshi kýáligin rásimdep alǵan, dep habarlaıdy QazAqparat tilshisi.

«Azamattarǵa arnalǵan úkimet» memlekettik korporatsııasy fılıalynyń dırektory Danabek Isabekovtyń aıtýynsha, bul ótken jyldyń osy kezeńimen salystyrǵanda 10%-ǵa artqanyn kórsetip otyr.

«Qazirgi ýaqytta eki mamandandyrylǵan HQO-da avtokólik ıeleri temir tulparlaryn qaıta tirkep, júrgizýshi kýáligin alýda. Sondaı-aq, sol ortalyqtarda praktıkalyq emtıhan tapsyra alady. Qajet bolǵan jaǵdaıda medıtsınalyq tekserýden ótip, kún saıyn munda 200 júrgizýshi kýáligi berilýde. 600 den astam kólik quraly esepke alynady»,-deıdiDanabek Isabekov.

Aıta keteıik, jyl basynan beri mamandandyrylǵan HQO arqyly 227 myńǵa tarta avtokólik tirkelgen.