Shymkentte jyl basynan beri 39 oqýshy COVID-19 juqtyrǵan
Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap habarlaıdy.
2020 - 2021 oqý jylynyń basynan mektep oqýshylary arasynda koronavırýs ınfektsııasynyń 64 jaǵdaıy tirkelgen. Shymkent qalasynyń sanıtarııalyq-epıdemıologııalyq baqylaý departamenti KVI-diń barlyq tirkelgen jaǵdaılary boıynsha epıdemıologııalyq tekserýler júrgizgen.
Tekserýler nátıjesinde, KVI anyqtalǵan 64 oqýshynyń 18-i offlaın rejımde, 46 oqýshy qashyqtyqtan (onlaın) oqyǵany anyqtaldy.
Departament tarapynan COVID-19 taralýyn boldyrmaý maqsatynda barlyq qajetti epıdemııaǵa qarsy is-sharalar, onyń ishinde indet anyqtalǵan mektepterde qorytyndy dezınfektsııa júrgizilgen. Oqý jyly bastalǵaly 17 mektepte 14 kúndik karantın jarııalanǵan.