Shymkentte jyl basynan beri 28605 sábı dúnıege esigin ashqan

ShYMKENT. QazAqparat – Shymkentte Táýelsizdik kúni perınataldyq ortalyqta bosanǵan analarǵa erekshe qurmet kórsetildi. Qala ákiminiń birinshi orynbasary Shyńǵys Muhan men densaýlyq saqtaý basqarmasynyń basshysy Baqytjan Pozılov meı̆ram kúni ómirge urpaq ákelgen analardy arnaı̆y quttyqtady, dep habarlaıdy QazAqparat tilshisi.

Mereke kúni bosanǵan analardyń árbirine gúl syı̆lap, nárestelerge qajetti buı̆ymdar men oı̆ynshyqtardy tartý etti. Táýelsizdik kúni bosanǵan kelinshekterge syı̆-sııapattar tabystalyp, qýanyshqa keneldi.

Aı̆ta keteı̆ik, demografııalyq ósim jaǵynan Shymkent qalasy elimizde aldyńǵy orynda tur. Mundaǵy bala týý kórsetkishiniń joǵary bolyp, jyl basynan beri 28605 sábı dúnıege esigin ashqan.

Bul ótken jylǵy kórsetkishpen salystyrǵanda úsh myń balaǵa artyq.

Aǵymdaǵy jyldyń on bir aı̆ynda dúnıege kelgen sábılerdiń arasynda egizder sany da kóp. Úshinshi megapolıste 274 egiz jáne 6 úshem týǵan.