Shymkentte jyl basynan beri 139,9 mlrd teńge salyq óndirilgen

ShYMKENT. QazAqparat - Shymkentte jyl basynan beri 139,9 mlrd teńge salyq óndirilgen. Bul qarajattyń  69 mlrd  278 mln teńgesi respýblıkalyq bıýdjetke joldanǵan. Bul týraly qalalyq Memlekettik kirister departamentinde ótken brıfıngte sóz boldy, dep habarlaıdy QazAqparat tilshisi.

Aǵymdaǵy  jyldyń 9 aıynda atqarylǵan jumystardy qorytyndylaǵan departament qyzmetkerleri salyqtan jergilikti bıýdjetke 60 mlrd  662 mln teńge túskenin jetkizdi. Mamandar bul eki jyl burynǵy salyq túsimimen salystyrǵanda 8 mlrd 947 mln teńgege artyp otyrǵanyn kóresetedi  dep otyr.

«Bıýdjettiń kiris bóligin qamtamasyz etýde kameraldy baqylaý, óndiristik emes tólemderdi ákimshilendirýdi kúsheıtý jáne jergilikti atqarýshy, quziretti organdarmen birlese atqarǵan  jumystardyń nátıjesinde, jyldyń basynan bıýdjetke qosymsha anyqtalǵan ishki rezervter esebinen jalpy 7 mlrd. 592 mln teńge óndirildi. Bul jalpy túsimderdiń 7%-dan astamyn qurady», - deıdi departamenttiń taldaý jáne táýekelder bóliminiń basshysy G.Ajımetova.