Shymkentte júzýden respýblıkalyq jarys bastaldy
ShYMKENT. QazAqparat - Búgin Shymkenttiń ortalyq sý sport kesheninde júzýden respýblıkalyq jarys bastaldy. Balalardy qorǵaý kúnine oraı uıymdastyrylǵan saıysqa elimizdiń 14 oblysy men Astana,Almaty qalalarynan 450-ge tarta jas sportshy qatysýda, dep habarlaıdy QazAqparat HAA tilshisi.
Respýblıkalyq jarysqa ońtústik óńirinen olımpıadalyq rezervterdi daıyndaıtyn balalar men jasóspirimder sport mektebinen, sondaı-aq, osy ortalyqtyń tárbıelenýshilerinen 1 komanda jasaqtaldy. Qarsylas komandalar Astana, Almaty, Kókshetaý, Qostanaı, Petropavl, Pavlodardan kelgen. Balalar merekesine arnalǵan baıraqty báseke úsh kúnge sozylyp, mamyrdyń 31-inde óz máresine jetedi dep josparlanyp otyr. Úzdikter ár qashyqtyq boıynsha anyqtalyp, baǵaly syılyqtarmen marapattalady.
