Shymkentte jurttyń sý esepteıtin qondyrǵylaryn urlap kelgen eki jigit qolǵa tústi
ASTANA. QazAqparat - Shymkent qalasynda Qarataý polıtsııa bóliminiń qyzmetkerleri jurttyń sý esepteıtin qondyrǵylaryn urlap, 2 mıllıon teńgeden astam shyǵyn keltirgen eki kúdikti jas azamatty quryqtady, dep habarlaıdy QazAqparat tilshisi.
Ótken jyldyń qyrkúıek aıynda Shymkent QІІB Qarataý PB-ge «Qaınar-bulaq» saıajaıynyń turǵyndary ózderiniń sý esepteıtin qondyrǵylaryn belgisiz bireýler urlap ketkeni jaıynda birneshe ret aryzdanǵan. Atalǵan qylmysty ashý maqsatynda Qarataý polıtsııa bóliminiń kásibı qyzmetkerliren jedel-tergeý toby qurylǵan bolatyn.
Jedel-izdestirý sharasy nátıjesinde 1994 jáne 1995 jyly týǵan Tólebı aýdanynyń eki turǵyny quryqtaldy. Olar - jumyssyz, kinásin tolyq moıyndaǵan.
Qazirgi tańda, tergeý anyqtaǵandaı, olar 500-ge tarta sý esepteıtin qondyrǵyny urlap, 2 mıllıon teńgeden astam shyǵyn keltirgen. Kúdiktiler barlyq urlyqtaryn bir júıemen iske asyryp otyrǵan. Jas azamattardyń biri buryn sý esepteıtin qondyrǵylardy ornalastyryp berýmen aınalysqan, kóshede ornalasqan sý esepteıtin qondyrǵylar turatyn qorapty buzyp, aram pıǵyldaryn iske asyryp júrgen. Qala bazarlarynda urlanǵan zatty arzan baǵada satyp, aqshasyn óz qajettilikterine jaratyp otyrǵan.
Eske sala keteıik, buǵan deıin Shymkentte sý eseptegish qondyrǵylar joǵalyp jatqany jaıly habarlaǵan bolatynbyz . 
Álııa Bostan
