Shymkentte jýrnalısti uryp-soǵý oqıǵasyna qatysty qylmystyq is qozǵaldy

ShYMKENT. QazAqparat - Shymkenttiń ortalyq meshitinde jýrnalısti uryp-soǵý oqıǵasy boıynsha qylmystyq is qozǵaldy. Bul týraly qalalyq Polıtsııa departamentiniń baspasóz qyzmeti málim etti, habarlaıdy QazAqparat tilshisi.

«Keshe 25 maýsym kúni Shymkent qalasyndaǵy «Aqmeshit» ortalyq meshitinde ornalasqan evakýatsııalyq pýnktinde BAQ ókilderi men evakýtsııalanǵan Arys qalasynyń azamattary arasynda bolǵan janjalǵa baılanysty QR QK-niń «Buzaqylyq» 293-baby boıynsha sotqa deıingi tergep-tekserý amaldary júrgizilýde» delingen habarlamada.

Aıta keteıik, oqıǵa keshe «Aqmeshit» ortalyq meshitinde bolǵan. Arys turǵyndaryna arnalǵan adamdardy túsirýge barǵan «Vlast» basylymynyń jýrnalıstine onnan asa adam shabýyl jasaǵan. Olar BAQ ókilderiniń kameralaryn tartyp almaq bolǵan.

Oqıǵa ornyna tártip saqshylary kelip, ashýǵa býlyqqan kópshilikti basqan. Bul qaqtyǵystyń vıdeosyn BAQ ókili Qanat Beısekeev óziniń Instagram paraqshasynda jarııalaǵan edi.