Shymkentte júrgizýshiler kortej jasap, aspanǵa oq atqan
Áleýmettik jelide kóshede aspanǵa oq atqan júrgizýshilerdiń vıdeosy tarady. Onda úsh «Toyota Camry-70» kóliginiń ıeleri jol erejesin óreskel buzǵanyn kórýge bolady. Tipti, jolda kortej jasap kele jatqan olar kólik áıneginen aspanǵa oq atqan.
Shymkent qalasy polıtsııa departamentiniń baspasóz qyzmeti úsh «Toyota Camry-70» kóliginiń júrgizýshileri anyqtalyp, QR ÁQBtK sáıkes ákimshilik hattama toltyrylǵanyn málimdedi. Sondaı-aq, bir júrgizýshiniń qarýǵa uqsas zat qoldanǵany anyqtalyp, tárkilenip alynǵan.
«Júrgizýshilerge qatysty QR ÁQBtK-niń 602-baby 1-1-bóligimen «Kólik quraldary júrgizýshileriniń táýliktiń qarańǵy mezgilinde nemese anyq kórinbeıtin jaǵdaılarda syrtqy jaryq túsirý aspaptaryn paıdalaný, avarııalyq sıgnal berý men avarııalyq toqtaý belgisin qoldaný qaǵıdalaryn buzýy» jáne 603-babynyń 1-bóligimen «Kólik quralynyń aldyńǵy bóligine qyzyl tústi jaryǵy bar jaryq aspaptaryn nemese qyzyl tústi jaryq qaıtaratyn beıimdeme qurylǵylardy, sol sııaqty túsi men jumys rejımi kólik quraldaryn paıdalanýǵa jiberýdiń talaptaryna sáıkes kelmeıtin jaryq aspaptaryn ornatý», 230-babynyń 2-bóligimen «Qazaqstan Respýblıkasynyń mindetti saqtandyrý týraly zańnamalyq aktisine sáıkes mindetti saqtandyrý shartyn jasasýǵa mindetti tulǵanyń mindetti saqtandyrý shartyn jasaspaýy» boıynsha ákimshilik hattamalar toltyryldy» delingen Shymkent qalasy polıtsııa departamentiniń baspasóz qyzmeti taratqan aqparatta.