Shymkentte júrginshini mert qylǵan avtobýs júrgizýshisi izdestirilip jatyr
ShYMKENT. QazAqparoat - Shymkentte jaıaý júrginshini basyp ketip, mert qylǵan avtobýs júrgizýshisine izdeý jarııalandy, dep habarlaıdy QazAqparat HAA tilshisi.
27 qyrkúıek kúni keshki saǵat 20.40-tar shamasynda Temirlan tas jolynda jol kólik oqıǵasy boldy. «Mıttsýbısı» kóliginiń 42 jastaǵy júrgizýshisi jaıaý júrginshini qaǵyp ketken. Qatty soqqydan jolaýshy joldyń sol jaq betine ushyp túsedi. Sol jerde ony avtobýs basyp ótipti. Qoǵamdyq kóliktiń júrgizýshisi avtobýsty toqtatpastan, oqıǵa ornynan qashyp ketken. Al, aýyr jaqat alǵan 56 jastaǵy qala turǵyny jol boıynda kóz jumdy.
Qazir óńirdiń tártip saqshylary oqıǵa ornyn qarap shyǵyp, birqatar sot medıtsınalyq saraptamalar taǵaıyndady. «Mıttsýbısı» kóligi aıyp turaǵyna jetkizilip, tergeý amaldary júrgizilýde. Atalǵan jaıt boıynsha Qylmystyq kodekstiń 345 «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» babymen is qozǵaldy. Jol apatyn jasap, adam qaǵyp ketken júrgizýshini Oblystyq ІІD-niń jeke quramy men Jergilikti polıtsııa qyzmeti jappaı izdestirip jatyr.
