Shymkentte jumysqa turǵyzamyn dep alaıaqtyq jasap júrgen turǵyn ustaldy
ShYMKENT. QazAqparat - Shymkentte jumysqa turǵyzamyn dep alaıaqtyq jasap júrgen turǵyn ustaldy. Ol jábirlenýshilerge 200 myń teńge shyǵyn keltirgen, dep habarlaıdy QazAqparat HAA tilshisi oblystyq ІІD baspasóz qyzmetine silteme jasap.
Polıtseıler alaıaqty qala turǵynynyń aryzy boınysha ustaǵan. Abaı polıtsııa bólimine aryzdanǵan azamat tanys emes adam onyń senimine kirip, jumysqa ornalasýyna kómektesemin dep ýáde bergenin kórsetken. Sóıtip, jalǵan ýádemen 100 myń teńgesin alǵan. Dál osyndaı mazmunda ishki ister bólimine taǵy birneshe turǵyn aryzdanǵan.
Osydan keıin tártip saqshylary jedel-izdestirý is-sharalaryn júrgizip, osy iske qatysy bar degen 28 jastaǵy kúdiktini qolǵa túsirdi. Onyń buǵan deıin alaıaqtyq boıynsha sottalǵany anyqtaldy. Tergeý kezinde onyń 3 derekke qatysy bary belgili boldy. Jurttyń senimine kirip, jumysqa ornalastyryp beremin degen kúdikti tanystarynan aqsha ıelenip, oqıǵa ornynan izin sýytyp kelipti. Qazirgi tańda onyń ústinen Qylmystyq kodekstiń 190-baby «Alaıaqtyqpen» is qozǵalyp, sotqa deıingi tergeý amaldary júrgizilýde. Polıtseıler ustalǵan seziktiniń ózge de qylmystarǵa qatysy barlyǵyn tekserip jatyr.
