Shymkentte júkti áıelderdi emhanaǵa esepke alý úshin aqsha talap etilgen
Málim etilgendeı, polıtsııa qyzmetkerlerine qatysty - 30, bilim berý salasynda - 26 jáne densaýlyq saqtaý qyzmetkerleriniń ústinen 23shaǵym túsken.
Shaǵymdardyń basym bóliginde qylmystyq jáne ákimshilik jaýapkershilikke tartpaý úshin parany bopsalaý (17), kedergisiz jol júrý, anyqtamalar, júrgizýshi kýálikterin, dıplomdar berý, múgedektikti, járdemaqylardy resimdeý, jumysqa ornalastyrý jáne ózge de faktiler bar.
Shaǵymdar boıynsha óńirler bólinisinde Túrkistan oblysy (28), Almaty qalasy (14), Shymkent (10) jáne Nur-Sultan qalalary (11) kósh bastap tur.
Mysaly, bıyl 15 aqpanda «1424 Call-ortalyǵy» arqyly kelip túsken shaǵym boıynsha Túrkistan oblysy aýdandarynyń birinde – bas maman, aýyldyq okrýg ákimdiginiń ataýly áleýmettik kómek berý jónindegi komıssııasynyń tóraǵasy járdemaqyny kedergisiz alý úshin 7 000 teńge somasynda para alý sátinde áshkerelendi.
«Sondaı-aq Shymkent qalasy boıynsha departament júkti áıelderdi esepke qoıý úshin emhanada 1 myń teńgeden, perzenthanada týý týraly kýálikti berý úshin 2 myń teńgeden, ýnıversıtette emtıhannan baǵa alý úshin belgili bir stavkalar belgilengen aqshalaı qarajat alýdy toqtatty. Atalǵan mekemelerde Facebook áleýmettik jelisiniń tikeleı efırinde ujymdyq jınalystar ótkizildi», - dedi spıker.
Budan bólek, Batys Qazaqstan oblysynyń medıtsınalyq kolledjinde stýdentterden emtıhan tapsyrý úshin turaqty túrde aqsha jınaý faktisi boıynsha 4 oqytýshy tártiptik jaýapkershilikke tartyldy.
Semeı qalasynyń BSMK-niń 2 dárigerine tegin kompıýterlik tomografııa júrgizýge múgedekten aqsha alǵany úshin «sógis» jarııalady. ShQO Semeı aımaǵy boıynsha MKB qyzmetkerleriniń aralasýynan keıin múgedek janǵa aqshasy qaıtaryldy.