Shymkentte júk kóliginiń kesirinen 7 kólik soqtyǵysty
ShYMKENT. QazAqparat - Shymkentte júk kóligi jol apatyn jasap, saldarynan 7 kólik soqtyǵysqan. Jol kólik oqıǵasy Adyrbekov pen Baıterekov kósheleriniń qıylysynda oryn alǵan, dep habarlaıdy QazAqparat HAA tilshisi.
Oqıǵa ornyna kelgen poltseıler jol kólik oqıǵasyna «Dav» markaly júk kóligi sebep bolǵanyn anyqtaǵan. 26 jastaǵy Shymkenttik júrgizýshi rólge ıe bola almaı, jeńil kólikterdi soqqan. «Vaz», «Toıota» jáne «Lada» markaly jeti birdeı kólik bir-birine soqtyǵysyp, zaqymdanǵan. Jol apatynan bir adam jaraqat alyp, dárigerge qaralǵan. Biraq aýrýhanaǵa jatýdan bas tartty.
Qazir júk kóliginiń júrgizýshisine qatysty Ákimshilik quqyqbuzýshylyq kodeksiniń 610-baby «Kólik quraldary júrgizýshileriniń jol júrisi qaýipsizdigin qamtamasyz etýdiń belgilengen qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine ákep soqqan buzýshylyǵymen» hattama toltyrylyp, tekserý sharalary júrgizilýde.
