Shymkentte júk kóliginiń kesirinen 400 úı kógildir otynsyz qaldy
ShYMKENT. QazAqparat - Shymkentte júk kóliginiń kesirinen 400 úı kógildir otynsyz qaldy. Qala ákimdiginiń baspasóz qyzmetiniń málimetinshe fýra kóligi ortasha qysymdaǵy gaz qubyryn soǵyp ketken, dep habarlaıdy QazAqparat tilshisi.
«11 jeltoqsan kúni saǵat 19.40 shamasynda Saıram men Belınskıı kósheleriniń qıylysynda fýra ortasha qysymdaǵy gaz qubyryn soǵyp ketti. Qazirgi tańda qaıta qalpyna keltirý jumystary júrgizilýde. Kógildir otyndy tańerteń ǵana qosýǵa múmkindik bar. Osyǵan baılanysty Shymkent qalasynyń əkimdigi men "KazTransGaz Aımaq" OQOF barlyq turǵyndarǵa sharýashylyqta qoldanystaǵy gaz qurylǵylaryn sóndirip qoıýdy suranady. Qaıta qalpyna keltirilgen kezde turǵyndarǵa qosymsha habarlaıtyn bolady» delingen habarlamada.
