Shymkentte júk kóligi júgimen birge janyp ketti

ShYMKENT. QazAqparat- Shymkentte júk kóligi júgimen birge janyp ketti, dep habarlaıdy QazAqparat tilshisi.

Oqıǵa túski saǵat 15:36-da shamasynda bolǵan.

Eńbekshi aýdany Toǵys eldimekeni, Kerýen saraı kóshesi №169 úıdiń janynda «Gazel» júk kóligi órtke oranǵan.

Іshindegi qurylys zattary men kóliktiń qujattary da túgelimen janyp ketken.

«Órt saǵat 15:54-te oqshaýlanyp, saǵat 16:03-te tolyǵymen sóndirildi. Zardap shekkender men qaıtys bolǵandar joq. Órttiń shyǵý sebebi anyqtalýda. Oqıǵa ornyna TJD 9 qyzmetkeri men 2 dana tehnıkasy jumyldyryldy» delingen Shymkent qalalyq TJD qoǵammen baılanys toby taratqan habarlamada.