Shymkentte joldan ótip bara jatqan eki adamdy kólik qaǵyp ketti
ShYMKENT. QazAqparat - Shymkentte joldan ótip bara jatqan eki qyzdy kólik qaǵyp ketti. Jol kólik oqıǵasy ortalyq kóshelerdiń qıylysynda bolǵan, dep habarlaıdy QazAqparat HAA tilshisi.
Belgili bolǵandaı, Jeltoqsan kóshesimen kele jatqan kólik Baıtursynov kóshesine burylmaq bolǵan. Osy kezde qarsy betten basqa kólik kelip qalǵan. Jol kólik oqıǵasyn boldyrmaımyn degen ol júrginshiler jolaǵynan ótip bara jatqan eki qyzdy qaǵyp ketken. Saldarynan jolaýshylar túrli dene jaraqatyn aldy. Qalalyq jedel-járdem aýrýhanasyna jetkizildi.
«Jaraqat alǵandar 1981 jáne 1994 jyly týǵan qyzdar ekeni anyqtaldy. Olar aýrýhanaǵa jetkizilip, alǵashqy medıtsınalyq kómek kórsetilgen. Jaǵdaılary jaqsy bolǵan soń úılerine qaıtaryldy. Al, kináli júrgizýshiniń ústinen Ákimshilik kodekstiń 610-babymen is qozǵaldy. Tergeý sharalary júrgizilýde. Sot-medıtsınalyq saraptama júrgizý barysynda onyń alkogol ishimdigin ishpegeni belgili boldy»,-dedi oblystyq ІІD baspasóz qyzmetiniń jetekshisi Saltanat Qarakózova.
