Shymkentte «Jolda qabyldaý» aktsııasy 1 jylda 9 ret ótti
ShYMKENT. QazAqparat – Shymkenttik tártip saqshylary Qazaqstan Respýblıkasy Іshki ister mınıstriniń tapsyrmasymen jyl boıyna 9 ret «Jolda qabyldaý» respýblıkalyq aktsııasyn uıymdastyrǵan.
Polıtseıler osylaısha azamattarǵa ashyq quqyqtyq qyzmet jáne kómek kórsetken, dep habarlaıdy QazAqparat tilshisi.
QR Prezıdenti Qasym-Jomart Toqaev halyqqa arnaǵan Joldaýynda azamattardyń quqyqtary men qaýipsizdigi qamtamasyz etilý kerek degen bolatyn. Osy tapsyrmany oryndaý maqsatynda úshinshi megapolıstiń polıtseıleri azamattardyń quqyqtyq saýatyn arttyrý men qoǵam men bılik arasyndaǵy baılanys alańyn keńeıtý isin júzege asyrdy.
«Jolda qabyldaý» aktsııasyna jalpy sany 11 835 qala turǵyny men qonaqtary qatysyp, olardyń tarapynan 10 033 suraqtar qoıyldy. Halyqty toǵandyrǵan saýaldarǵa polıtsııa tarapynan jan-jaqty jaýaptar berildi. Qabyldaý barysynda ishki ister organdarynyń árbir salasynyń ókili qamtyldy. Jalpy suraqtyń basym kópshiligi azamattardan ózderiniń ákimshilik aıyppuldary bar-joǵyn bilý jáne júrgizýshi kýálikterin alýdyń tártibi jóninde aqparat alýǵa qatysty boldy. Aıta keteıik, bul aktsııa azamattar úshin óte yńǵaıly bolyp, tıimdiligin kórsetti. Osyǵan baılanysty atalǵan aktsııa 2020 jyly da jalǵasyn tabatyn boldy.
