Shymkentte jolaýshyny qaǵyp óltirgen júk kóliginiń júrgizýshisi izdestirilýde

ShYMKENT. QazAqparat – Shymkentte 62 jastaǵy jolaýshyny qaǵyp óltirgen kólik júrgizýshisi oqıǵa ornynan qashyp ketken. Qaıǵyly jaǵdaı Almaty-Tashkent-Termez avtojolynda boldy, dep habarlaıdy QazAqparat tilshisi.

Qalalyq PD baspasóz qyzmetiniń málimetinshe, belgisiz kólik qaǵyp ketken adam alǵan jaraqattarynan oqıǵa ornynda kóz jumǵan. Qazirgi ýaqytta polıtsııa qyzmetkerleri keleńsiz jaǵdaıdyń barlyq mán-jaıyn anyqtap, izin sýytqan júrgizýshi men onyń avtomobılin anyqtaý boıynsha jedel-izdestirý is-sharalaryn júrgizýde.

«Osy jaıt boıynsha Shymkent qalasy Polıtsııa departamentiniń qyzmetkerleri QR QK-niń 347 baby jáne 345 baby 3 bóligimen sotqa deıingi tergep-tekserýdi júrgizýde. Birqatar tıisti saraptamalar taǵaıyndaldy», delingen habarlamada.