Shymkentte jolaýshylar avtobýsy aýdarylyp, 13 adam zardap shekti

ShYMKENT. QazAqparat – Shymkentte jolaýshylar mingen avtobýs aýdarylyp qaldy, dep habarlaıdy QazAqparat tilshisi.

Qalalyq densaýlyq saqtaý basqarmasy baspasóz qyzmetiniń málimetinshe, jol kólik oqıǵasy tańǵy saǵat segizder shamasynda Baıterekov kóshesi men Astana dańǵyly boıynda bolǵan. №40-shy avtobýs jeńil kólikpen soǵysyp, aýdarylyp qalǵan.

«Jol apatynan zardap shekkenderge oqıǵa ornynda 5 jedel járdem brıgadasy shuǵyl medıtsınalyq qyzmet kórsetýde. Oqys jaǵdaıdan 13-adam zardap shekken. Olardyń úsheýi – balalar, toǵyzy – eresekter. Zardap shekkenderdi jedel járdem qyzmetkerleri shuǵyl túrde aýrýhanaǵa jetkizýde. Ókinishke qaraı, jol apatynan aýyr jaraqat alǵan bir azamatsha oqıǵa ornynda kóz jumdy» delingen habarlamada.