Shymkentte jol jóndep júrgen KamAZ júrgizýshisi kabınada qysylyp qaldy

ShYMKENT. QazAqparat - Shymkentte KamAZ kóliginiń kabınasynda qysylyp qalǵan júrgizýshi qutqaryldy, dep habarlaıdy QazAqparat tilshisi.

Oqıǵa Temirlan tasjoly men Almaty tasjolynyń qıylysynda bolǵan.

Jerasty jolyn salý kezinde «KamAZ» júk kóligi abaısyzda betonǵa soǵylǵan.

Sonyń saldarynan 34 jastaǵy kólik júrgizýshisi kabınada qysylyp qaldy.

«Avarııalyq qutqarý jumysyna Shymkent qalasy TJD jedel-qutqarý jasaǵynyń 5 qutqarýshysy, órt sóndirý bóliminen 11 qyzmetker men 4 tehnıka jumyldyryldy. Zardap shekken er azamat esin biledi, jaǵdaıy aýyr bolǵandyqtan jedel járdem qyzmetkerleri aýrýhanaǵa alyp ketti», - delingen Shymkent qalasy TJD qoǵammen baılanys toby taratqan aqparatta.