Shymkentte jol jıegindegi jylqylardy soqqan kólik júrgizýshisi qaıtys boldy

ShYMKENT. QazAqparat- Shymkentte jol jıegindegi jylqylarǵa soǵysqan kóliktiń júrgizýshisi qaıtys boldy. Jol kólik oqıǵasynan taǵy 4 jolaýshy túrli dene jaraqatymen aýrýhanaǵa jetkizildi, dep habarlaıdy QazAqparat tilshisi.

Oqıǵa Shymkent qalasy Eńbekshi aýdany Abdýlabad aýyly, Abdýlabad kóshesiniń boıynda bolǵan.

Saǵat 20:00 shamasynda 4 jolaýshysy bar «VAZ 21099» markaly avtokólik jol boıymen ótip bara jatqan jylqylardy qaǵyp, qarsy baǵytqa shyǵyp ketken. Saldarynan, qarsy baǵytta kele jatqan «Volkswagen Passat» markaly jeńil kólikpen soqtyǵysyp, jol apatyn oqıǵasyn jasaǵan.

«Atalǵan oqıǵa boıynsha, QR QK-niń 345-baby 3-bóligi «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha is qozǵalyp, qajetti saraptamalar taǵaıyndaldy»,-delingen Shymkent qalasy polıtsııa departamentiniń baspasóz qyzmeti taratqan habarlamada.