Shymkentte jol kólik oqıǵasynan aman qalǵan búldirshin esin jıdy
ShYMKENT. QazAqparat - Shymkentte jol kólik oqıǵasynan aman qalǵan búldirshin esin jıdy. Bul týraly oblystyq balalar aýrýhanasynyń dárigerleri málimdedi. Aıtýlarynsha jaǵdaıy aýyr kúıinde túsken balaǵa sol kúni-aq ota jasalǵan, dep habarlaıdy QazAqparat HAA tilshisi.
«Bala aýrýhanaǵa túse salysymen birneshe dáriger jınalyp, onyń jaǵdaıyn tekserdik. Jaǵdaıy aýyr boldy. Ota jasadyq. Qandy toqtatyp, sanatsııa jasaldy. Sonyń arqasynda balanyń beti beri qarap, esin jıdy», - dedi oblystyq aýrýhananyń bas dárigeri Ánýarbek Maımaqov.
Eske salaıyq, demalys kúni Shymkentte túngi saǵat 01.30 shamasynda jol-kólik oqıǵasy oryn alyp, «Toıota kamrı» markaly avtokólik «Toıota Land krýzer 200» kóligimen soqtyǵysqan bolatyn. Aýyr jaraqat saldarynan balanyń áke-sheshesi, 1972 jyly týǵan «Toıota land krýzer 200» kóliginiń júrgizýshisi men onyń janynda bolǵan áıeli oqıǵa ornynda kóz jumǵan edi. Olardyń uly, ıaǵnı 2011 jyly týǵan jetkinshek túrli dene jaraqattarymen oblystyq balalar aýrýhanasynyń jansaqtaý bólimine jetkizilgen bolatyn. Al kináli júrgizýshi eki saǵattan soń polıtsııaǵa ózi kelip, onyń ústinen qylmystyq is qozǵaldy. Qazir ol ýaqytsha tergeý abaqtysyna jabylyp, tergeý sharalary júrgizilýde.
