Shymkentte jol erejesin jıi buzatyndardy anyqtaıtyn baǵdarlama iske qosyldy

ShYMKENT. QazAqparat - Shymkentte jol erejesin jıi buzatyn júrgizýshilerdi anyqtaıtyn «Qorǵaý» baǵdarlamasy iske qosyldy. Bul qosymsha patrýldik polıtseıge jaqyn mańda 10 mınýt ishinde eki ret jol erejesin buzǵan nemese kóligine jalǵan nómirler ornatqan zańbuzýshylardy kórsetip otyrady, dep habarlaıdy QazAqparat tilshisi.

Jań baǵdarlama elimizdiń bas polıtseıi Marat Ahmetjanovtyń megapolıske sapary aıasynda tanystyryldy.

«Qorǵaý» baǵdarlamasyn muqııat túsindirip shyqqan tártip saqshylary onyń aıyppuly tólenbegen, saqtandyrý, tehnıkalyq baıqaýdan ótpegen nemese izdeýde júrgen avtokólik júrgizýshisi jaıly habardar etetinin aıtady.

Osylaısha jol qozǵalysyn qadaǵalaý kezinde polıtsııa narıadtary «táýekel etý tobymen» birge áreket etetin bolady.

Óz kezeginde jol qozǵalysynyń naqty ýaqyt rejıminde aldyn alýǵa múmkindik beredi.

Aıta keteıik, Shymkent polıtsııasy quqyq buzýshylyqtarǵa jedel áreket etý maqsatynda respýblıka boıynsha alǵashqy bolyp «Qorǵaý» baǵdarlamasyn paıdalanyp otyr.

Bir táýlik ishinde patrýldik polıtsııa polkiniń qyzmetkerleri «Qorǵaý» baǵdarlamasynyń kómegimen ártúrli buzýshylyqtary bar 70-ten astam avtokólikti tirkedi.

Onyń ishinde júrgizýshilerdiń 18-i jalǵan nómirmen ustalǵan.