Shymkentte jol apatynan Ózbekstan azamaty ajal qushty
ASTANA. QazAqparat - 2017 jyldyń 7 qyrkúıegi kúni Shymkent qalalyq polıtsııa bólimshesine Eńbekshi aýdanynyń aýmaǵynda jol-kóligi apaty bolǵandyǵy jaıly habarlama kelip tústi. Oqıǵa ornyna kelgen polıtsııa qyzmetkerleri shamaman tańǵy 5 saǵat 30 mınýtta Áýezov pen Álibekov kósheleriniń qıylysynda 1993 jylǵy júrgizýshi basqarǵan «BMV» jáne «Deý Neksııa» kólikteriniń soqtyǵysyp qalǵanyn anyqtady.
Jol apaty saldarynan «Deý Neksııa» kóliginiń jolaýshysy - 1990 jylǵy Ózbekstan Respýblıkasynyń azamaty oqıǵa ornynda kóz jumdy. OQO turǵyny men onyń 1990 jáne 1991 jylǵy jolaýshylary túrli jaraqattarmen aýrahanaǵa jetkizildi.
Atalǵan derek QR QK-iniń 345-babynda kózdelgen «Jol júrý erejesin buzý nemese kólik quraldaryn basqarýshy tulǵalardyń kólik quraldaryn paıdalanýy» boıynsha sotqa deıingi tergeýdiń biryńǵaı tizilimine tirkeldi. Birqatar sot saraptamalary taǵaıyndaldy.
Qazirgi ýaqytta sotqa deıingi tergeý amaldary júrgizilip jatyr.
