Shymkentte jol apatynan 8 adam zardap shekti, ekeýiniń jaǵdaıy aýyr
ShYMKENT. QazAqparat - Shymkentte jol apaty oryn alyp, odan 8 adam zardap shekti. «Hýndaı aktsent» pen «Nıva» kólikteriniń soqtyǵysýy saldarynan eki jolaýshy aýyr jaralanǵan , dep habarlaıdy QazAqparat HAA tilshisi.
Belgili bolǵandaı, jol-kólik oqıǵasy qaladan shyǵa beristegi Temirlan tas jolynda bolǵan. Kýágerlerdiń sózinshe, «Nıvanyń» júrgizýshisi burylyp jatqan sátte ekinshi kólikti baıqamaı qalǵan. Eki kólikte 9 adam bolǵany anyqtaldy. 8-i túrli dene jaraqatyn alǵan. Oqıǵa ornyna jetken jedel járdem qyzmeti olarǵa kómek kórsetti. Ortasha jaraqat alǵandar men jaǵdaıy aýyr degen eki adamdy aýrýhanaǵa alyp ketken. Abyroı bolǵand,a adam ólimi tirkelmedi. Qazir óńirdiń jergilikti polıtsııa qyzmetkerleri jol- kólik oqıǵasynyń sebep-saldaryn anyqtaýǵa kirisip ketti. Birqatar saraptamalar taǵaıyndaldy.
