Shymkentte jol apatynan 7 adam zardap shekti
ShYMKENT. QazAqparat - Shymkentte 7 adam zardap shekken jol kólik oqıǵasy tirkeldi. Aýyr dene jaraqatyn alǵandardyń arasynda júkti áıel men eki jasar búldirshin bar, dep habarlaıdy QazAqparat tilshisi.
Eki kósheniń qıylysynda BMV men Opel kólikteri soqtyǵyp, sońǵysy ekige bólinip qalǵan.
Sonyń saldarynan jol kólik oqıǵasynan zardap shekken aıaǵy aýyr kelinshek pen er adam Shymkent qalalyq jedel járdem aýrýhanasyna jetkizildi. 27 jastaǵy áıeldiń jaǵdaıyn dárigerler aýyr dep baǵalap otyr. Ol jansaqtaý bólimine jatqyzyldy. Jaraqat alǵan er adam da osy bólimge jatqyzyldy. Sondaı-aq júkti áıeldiń 2 jasar búldirshini Oblystyq balalar aýrýhanasynda em qabyldaýda.
«Bala bas-mı jaraqatyn alǵan, osy kezde jaǵdaı ońalyp, jansaqtaý bóliminen bólimshege aýystyrdyq»,- dedi oblystyq balalar aýrýhanasy bas dárigeriniń orynbasary Bolat Nusqabaev.
Qazir jol-kólik oqıǵasynyń sebep-saldaryn oblystaǵy ishki ister qyzmetkerleri anyqtap jatyr.
