Shymkentte jol apatynan 5 adam, sonyń ishinde júkti áıel zardap shekti
ShYMKENT. QazAqparat - Shymkentte kók taıǵaqtan eki kólik soqtyǵysyp, saldarynan 5 adam zardap shekti, dep habarlaıdy QazAqparat HAA tilshisi.
Jol-kólik oqıǵasy búgin saǵat 10.00 shamasynda Badam-Shymkent tas jolynda oryn alǵan. Oqıǵaǵa kýá bolǵandardyń aıtýynsha, joǵary jyldamdyqpen kele jatqan «Mersedes» kóligi jol ústinde taıyp, qarsy baǵyttaǵy «Folktsvagen Passatpen» soqtyǵysqan. Saldarynan «Mersedes» joldan shyǵyp ketip, aýdarylǵan.
Tórt jolaýshy men bir júrgizýshi zardap shekti. Olardyń arasynda júkti áıel de bar bolyp shyqty. Barylyǵy Shymkent qalalyq jedel-járdem aýrýhanasyna jetkizilgen.
Qazir dárigerler 1989 jyly týǵan júkti áıel men eki jolaýshynyń jaǵdaıy aýyr ekenin aıtýda. Olar aýrýhananyń jan saqtaý bólimine jatqyzylǵan. Al eki naýqastyń jaraqattary - ortasha deńgeıde, olar medıtsınalyq kómek kórsetilgennen keıin bólimshelerge jatqyzyldy.
Oblystyq ІІD baspasóz qyzmetinen málim etkendeı, jol apatynyń sebep-saldaryn anyqtaý bastaldy.
