Shymkentte joǵary oktandy benzın óndirile bastaıdy

ASTANA. QazAqparat - Taıaýda Shymkentmunaı óńdeý zaýytyndaǵy jańǵyrtý jumystarynyń birinshi kezeńi aıaqtalady dep kútilýde. Elimizdegi munaı óńdeıtin eń iri úsh zaýyttyń biri sanalatyn óndiriste búginde qurylys jumystary qarqyndy júrgizilip jatyr, dep habarlaıdy OQO ákiminiń baspasóz qyzmeti.      

Kásiporyn mundaı múmkindikke elimizdegi Údemeli ındýstrıaldy ınnovatsııalyq damý baǵdarlamasynyń aıasynda qol jetkizip otyr. Jańǵyrtý jumystarynyń negizinde zaýyt jylyna 4 myń tonna kúkirt shyǵarýǵa qaýqarly bolady. Munaı ónimderin sańlaýsyz quıý kesheniniń  de qurylysy aıaqtalǵan. Nátıjesinde zaýyttaǵy janarmaı men dızel otynynyń sapasy Eýro-4 jáne Eýro-5 standartyna sáıkestendirilmek.

Al, jańǵyrtý jumystarynyń ekinshi kezeńinde zaýyttyń ónim shyǵarý kólemin jylyna 6 mln. tonnaǵa deıin jetkizý jáne munaı óńdeý tereńdigin 80 paıyzǵa deıin kóbeıtý kózdelip otyr. Joba tolyq júzege asqan kezde elimizdegi munaı óńdeý zaýyty álemdik talaptarǵa tolyq jaýap beretin joǵary tehnologııaly iri óndiris ornyna aınalatyn bolady.

Strategııalyq mańyzy bar jobany «Qazaqstannyń Damý Banki» qarjylandyryp otyr. ıAǵnı bank pen zaýyt arasyndaǵy kelisimge saı  qaıta jóndeý jobasyn qarjylandyrý úshin nesıe jelisi ashylǵan bolatyn. 

13 jylǵa deıingi merzimge berilgen nesıeniń jalpy somasy 932 mln AQSh dollaryn quraıdy.  Jalpy quny 1,9 mlrd AQSh dollary bolatyn joba ındýstrııalyq-ınnovatsııalyq damýdyń 2015-2019 jyldarǵa arnalǵan memlekettik baǵdarlamasy aıasynda qarjylandyrylýda.

Shymkent munaı óńdeý zaýytyn jańǵyrtý jáne qaıta jóndeý eki kezeńmen júzege asyrylýda. Birinshi kezeńde Keden odaǵy elderinde qabyldanǵan K4 jáne K5 (Eýro-4 jáne Eýro-5 balamasy) ekologııalyq klasty benzın men dızel otynyn shyǵarýdy retteý josparlanǵan, ekinshi kezeńde munaı óńdeý tereńdigin, sondaı-aq qýatyn jylyna 5,250 mln tonnadan 6 mln tonnaǵa deıin ulǵaıtý josparlanǵan.