Shymkentte joǵalyp ketken jas qyzdyń denesi jertóleden tabylyp, jezdesi qamaldy

ShYMKENT. QazAqparat – Shymkentte 4 tamyzda úıden shyǵyp, sol kúıi oralmaǵan boıjetkenniń denesi jertóleden tabylyp, onyń jezdesi kúdikti retinde qamaldy, dep habarlaıdy QazAqparat polisia.kz-ke silteme jasap.

Ál-Farabı aýdandyq polıtsııa bólimine 5 tamyz kúni jas qyzdyń joǵalǵany týraly habarlama túsken bolatyn. Aǵasynyń aıtýynsha, 2004 jylǵy stýdent 4 tamyz kúni úıden belgisiz baǵytqa shyǵyp, qaıta oralmaǵan.

Belgili bolǵanyndaı, Túrkistan oblysynyń týmasy oqýyna baılanysty ýaqytsha ápkesiniń úıinde turǵan.

Jedel-izdestirý jumystaryna Shymkent qalasy PD-niń barlyq jeke quramy jumyldyryldy. BAQ-ta jáne áleýmettik jelide 18 jastaǵy qyzdyń is-tússiz joǵalǵany týraly habarlandyrý taratyldy. Úsh kún boıy úzdiksiz júrgizilgen izdeý jumystary oń nátıje bergen joq.

8 tamyz túngi saǵat 1:30 shamasynda Ál-Farabı APB-ǵa týystary úıdiń jertólesinen joǵalǵan qyzdyń óli denesin tapqany týraly habarlady. Oqıǵa ornyna barǵan jedel tergeý toby jertóleden tósek jaımasyna oralǵan, denesinde zorlyq belgileri bar múrdeni anyqtady. Boıjetkendi týǵan jezdesi óltirdi degen kúdikke ilindi.

QR QK 99-baby «Adam óltirý» boıynsha sotqa deıingi tergeý amaldary júrgizilip jatyr. Qajetti saraptamalar taǵaıyndaldy. Kúdikti ÝUI-ǵa qamaldy.

Ózge aqparat QR QPK-niń 201-babyna sáıkes tergeý múddesinde jarııalaýǵa jatpaıdy.