Shymkentte joǵalyp ketken arnaıy ınternattyń 10 jasar tárbıelenýshisi tabyldy
ShYMKENT. QazAqparat - Shymkentte joǵalyp ketken arnaıy ınternattyń tárbıelenýshisi tabyldy. Aqyl esi kem 10 jasar Nurken Quralbekti Saıram aýdany, Aqsýkent aýylynyń ýchaskelik ınspektory taýyp alǵan, dep habarlaıdy «QazAqparat» HAA tilshisi.
Oblystyq ІІD baspasóz qyzmetiniń málimetinshe, bala Aqsý aýylyna deıin jaıaý barǵan. Onyń densaýlyǵyna eshqandaı zııan kelmepti. Qazir mektep-ınternatynyń tárbıelenýshisi Ál-Farabı aýdandyq polıtsııa bólimshesine jetkizildi. Tıisti sharalar júrgizilgen soń ol ınternatqa qaıtarylady.
Aıta keteıik, 10 jasar Nurken Quralbektiń joǵalyp qalǵany týraly anasy habarlaǵan bolatyn. Polıtsııaǵa aryzdanyp kelgen kelinshek ulynyń aqyl esi kem ekenin aıtyp, onyń arnaıy mektep-ınternattan joǵalyp ketkenin jetkizgen bolatyn. Osydan keıin tártip saqshylary jasóspirimdi izdestirip, qala turǵyndaryn ony tabýǵa kómektesýge shaqyrǵan edi.
