Shymkentte joǵalyp ketken aqyl-esi kem jigit aýrýhanadan tabyldy
ShYMKENT. QazAqparat - Shymkentte joǵalyp ketken 29 jastaǵy Qudaıbergen Tursynbaı aýrýhanadan tabyldy, dep habarlaıdy QazAqparat tilshisi.
Oblystyq densaýlyq saqtaý basqarmasy baspasóz qyzmetiniń málimetinshe, psıhonevrologııalyq aýrýy bar jigit 17 mamyr kúni qaladan tabylǵan.
«Shymkent qalasynda joǵalyp ketken jigitti jedel-járdem qyzmeti Qapal batyr kóshesinde aýyryp turǵan jerinen taýyp, aýrýhanaǵa jetkizgen. Ol nevrologııa bólimine jatqyzyldy. Sońynan pıshonevrologııa dıspanserinen dárigerler shaqyrtylyp, jas jigitti tekserdi. Dárigerler naýqasty oblystyq psıhonevrologııalyq dıspanserine jatqyzý kerek degen qorytyndyǵa kelip, ol 21 mamyr kúni sonda jatqyzyldy. Al, 22 mamyr kúni naýqastyń týystary tabylyp, ony alyp ketti», - delingen habarlamada.
Dárigerler Qudaıbergen Tursynbaıdyń júıke aýrýyna shaldyqqanyn, aqyl-esiniń kemistigi bar ekenin aıtady.
Eske sala ketsek, 18 mamyrda Shymkentte sóıleý qabiletinen aıyrylǵan jigit joǵalyp ketkendigi týraly habar tarady. Ol kezde 29 jastaǵy Qudaıbergen Tursynbaıdy týystary tórt kúnnen beri tappaı jatqanyn aıtqan edi. Aıtýlarynsha, naýqas jigit «Bekjan» avtovokzaly mańynda iz-túzsiz joǵalyp ketken. Ony izdestirýge Abaı aýdandyq polıtsııa bóliminiń qyzmetkerleri de jumyldyryldy.
