Shymkentte joǵalǵan jasóspirim qyz tabyldy

ShYMKENT. QazAqparat - Shymkentte Krımınaldyq polıtsııa basqarmasynyń qyzmetkerleri joǵalyp ketken Aneldi izdep tapty, dep habarlaıdy QazAqparat Polisia.kz-ke silteme jasap.

Esterińizge sala keteıik, 30 jeltoqsanda Abaı APB-ǵa jergilikti turǵyn kámelettik jasqa tolmaǵan qyzy joǵalǵany týraly shaǵymdanǵan bolatyn. Belgili bolǵandaı, qyz týystarymen janjaldasyp úıinen shyǵyp ketken. Buǵan deıin jasóspirim 3 ret úıinen ketip qalyp, polıtseıler ony anasyna qaıta tapsyrǵan.

Shymkent qalasy PD-nyń jedel ýákilderi, ýchaskelik ınspektorlar men eriktiler joǵalǵan qyzdy 7 kún boıy toqtaýsyz izdedi. Balany izdeý jumystary Polıtsııa departamenti basshylyǵynyń jeke baqylaýynda boldy.

Іzdestirý jumystarynyń nátıjesinde jedel ýákilder jasópirimdi temir jol vokzalynda tapty.

Anyqtalǵandaı, Anel bul kúnderi beıtanys adamdardyń úıinde jasyrynǵan. Óz betinshe jumysqa ornalasýǵa tyrysqan.

Kámeletke tolmaǵan qyzdyń aıtýynsha, úıden qashýǵa onyń anasynyń jıi uryp-soǵýy sebep bolǵan. Jasóspirim úıge barýdan túbegeıli bas tartyp otyr. Qazirgi tańda ákimdik, Bilim basqarmasy jáne polıtsııa qyzmetkerleri tarapynan arnaıy komıssııa quryldy. Olar anasyn ata-ana quqyǵynan aıyrý týraly qujattardy jınaıdy.

Bul ýaqyt aralyǵynda qyz Kámeletke tolmaǵandardy beıimdeý jáne ońaltý ortalyǵyna ornalastyrylady.