Shymkentte joǵalǵan qyz tabyldy
ASTANA. QazAqparat - Osyǵan deıin joǵalyp ketti dep habarlanǵan 10 jastaǵy Janel Maratova tabyldy, dep habarlaıdy QazAqparat oblystyq ІІD-ne silteme jasap.
Polıtsııa qyzmetkerleri Janeldi Shymkenttegi Temirlan tasjolynyń boıyndaǵy saýda ortalyqtarynyń biriniń janynan tapqan.
«Qyzdyń densaýlyǵyna tónip turǵan eshqandaı qaýip joq. Qajetti protsedýralardy júrgizgen soń polıtsııa qyzmetkerleri Janeldi anasyna tapsyrady»,-dep habarlady ІІD-nen.
Aıta keteıik, búgin 2007 jyly týǵan qyz úıinen ketip, qaıtyp oralmaǵan bolatyn. 10 jastaǵy qyzdy izdeýge polıtsııanyń jeke quramy túgel jumyldyryldy.
