Shymkentte joǵalǵan qarııany kólik qaǵyp ketip, aýrýhanada kóz jumǵany anyqtaldy
ShYMKENT. QazAqparat - Shymkentte joǵalǵan 68 jastaǵy er adam jedel medıtsınalyq kómek aýrýhanasynda qaza tapqan, dep habarlaıdy QazAqparat tilshisi.
Bul týraly onyń qyzy Natalıa Han málim etken. Anyqtalǵandaı, 14 maýsymda qarııany velosıpedpen ketip bara jatqan kezde mashına qaǵyp ketken.
«Kórshiler ony 17 maýsymda kórdik dep jalǵan aqparat aıtty. Sondyqtan, búgin men jedel jedel medıtsınalyq kómek aýrýhanasyna kelgende, ony tappadym. Al, ol aýrýhanaǵa 14 maýsymda túsken. Sol kúni ol velosıpedpen ketip bara jatqan kezde, jigitter ony qaǵyp ketken. Olardyń aıtýynsha, ákem joldyń júretin bóligine shyǵyp ketken, al jigitter manevr jasap úlgermegen. Jigitter polıtsııa men jedel járdem shaqyrǵan. Dárigerler týystaryn izdegen, alaıda taba almaǵandaryn aıtty. 17 maýsymda aýrýhana qyzmetshileri telearnaǵa habarlama bergen, biraq biz ol kezde qalada bolmadyq. Sondyqtan, kesh bildik. Ol birden komaǵa túsip, bes kún boıy sonda jatqan. Biz onymen qoshtasyp úlgermedik», - dedi N. Han.
Eske salaıyq, buǵan deıin Shymkentte bir otbasy joǵalǵan qarııany izdep jatqanyn habarlaǵan bolatynbyz.
