Shymkentte joǵalǵan bes jasar bala tabyldy
ShYMKENT. QazAqparat – Shymkenttik polıtseıler habar-osharsyz ketken bes jasar balany ata-anasyna qaıtardy, dep habarlaıdy QazAqparat Shymkent qalasy polıtsııa departamentiniń baspasóz qyzmetine silteme jasap.
10 tamyz kúni Abaı aýdanyndaǵy Igilik eldi mekeninde 6 balasy bar otbasy tańerteń uıqydan tursa, 5 jasar balasy úıde joq. Aldymen ózderi izdep taýyp almaq bolady. Nátıje bolmaǵan soń, saǵat 15:00-ter shamasynda olar polıtsııaǵa júginedi.
Abaı aýdandyq polıtsııa basqarmasynyń qyzmetkerleri oqıǵa ornyna baryp, jedel izdeý sharalaryna kirisedi. Shamamen 4 saǵattan soń balany Igilik aýylynyń kósheleriniń birinen taýyp, ata-anasyna qaıtaryp berdi. Balanyń ata-anasymen profılaktıkalyq suhbat júrgizildi.
Balapany qushaǵyna oralǵanyna qýanǵan ata-ana Abaı APB basshylyǵyna, sondaı-aq ýchaskelik polıtsııa ınspektory Muzafar Hıkmatýllauly Abrahmanovqa alǵys aıtty.
