Shymkentte joǵalǵan áıeldiń máıiti aýyl mańyndaǵy aǵyn sýdan tabyldy

ShYMKENT. QazAqparat – Shymkentte joǵalǵan kelinshektiń denesi aýyl mańyndaǵy aǵyn sýdan tabyldy. Qutqarýshylar men súńgirýler izdestirý jumystaryn 2 táýlik boıy júrgizdi, dep habarlaıdy QazAqparat tilshisi.

Eńbekshi aýdanynyń Jylan buzǵan aýylynyń turǵyny, 1977 jylǵy kelinshek 10 sáýir kúni saǵat 22:08 shamasynda úıden shyǵyp ketkennen soń, qaıta oralmaǵan. «Sýǵa túsip ketti», - dep boljam jasaǵan týystary birden tótenshe jaǵda departamentine qońyraý soǵyp, kómek surapty.

«Oqıǵa ornyna jetken jedel-qutqarý jasaǵy men kınologııalyq qyzmet mamandary aýyl mańynan aǵyp ótetin sýarmaly kanalda izdeý jumystaryn júrgizdi. Onyń eni 3 metr, tereńdigi 2-2,5 metrdi quraıdy. Nátıjesinde 11 sáýir kúni saǵat 12.15-te áıel adamnyń denesin sýdan taýyp, shyǵaryp aldy», -delingen Shymkent qalasy TJD qoǵammen baılanys toby taratqan habarlamada.

Oqıǵa ornyna Shymkent qalasy TJD jedel-qutqarý jasaǵynyń 11 qyzmetkeri, 2 birlik tehnıkasy men 1 kınologııalyq esep qyzmeti jumyldyrylǵan.

Sondaı-aq polıtsııa departamentiniń 10 qyzmetkeri men 3 birlik tehnıkasy, 30 –ǵa jýyq aýyl turǵyndary kómek kórsetken.