Shymkentte joǵalǵan 4 jasar bala tabyldy

ASTANA. QazAqparat - 23 maýsymda Abaı APB-nyń 102 arnasyna kámeletke tolmaǵan balanyń joǵalǵany týraly habarlama kelip tústi. Ákesiniń aıtýynsha, saǵat 13:00 shamasynda bala aǵasymen birge dostarymen oınaýǵa aýlaǵa shyǵyp, biraz ýaqyttan keıin úlkeni úıine jalǵyz oralǵan, dep jazady polisia.kz.

Kámeletke tolmaǵan balanyń joǵalyp ketkenin eskere otyryp, ony izdeýge Shymkent qalasy PD bólimsheleriniń barlyq kúshi jumyldyryldy. Balanyń júrgen jerin anyqtaý úshin onyń syrtqy kelbetin, kıimin jáne fotosýretin sıpattaıtyn baǵdarlar barlyq aýdandyq polıtsııa basqarmalaryna jiberilip, áleýmettik jelilerde jarııalandy.

Tártip saqshylary kórshilerinen surap, beınebaqylaý kameralaryn tekserdi. Avtokólik ekıpajdary men jaıaý patrýlder eriktilermen birge joǵalǵan bala bolýy múmkin barlyq jerlerdi tekserdi.
Búgin tańerteń saǵat 9.20 shamasynda 102 arnasyna azamat habarlasyp, Qaratóbe tas jolynda izdeý jarııalanǵan habarlamadaǵy uldarǵa uqsas 2 balany kezdestirgenin jetkizdi.
Balalar aýdandyq PB-ǵa jetkizildi. Búldirshin ata-anasyna aman-esen tapsyryldy.

Al ekinshi bala Túrkistan oblysynyń Maqtaaral aýdanynda habar-osharsyz ketkender qatarynda ekeni anyqtaldy.