Shymkentte joǵalǵan 12 jasar bala aman-esen tabyldy

ShYMKENT. QazAqparat - Shymkentte joǵalǵan 12 jasar bala aman-esen tabyldy, dep habarlaıdy QazAqparat tilshisi.

Shymkent qalasy Eńbekshi APB-na 23 naýryzǵa qaraǵan túni saǵat 03:50-de 2010 jyly týǵan Danııl Tıssenniń joǵalyp ketkeni týraly habar túsken bolatyn.

Atalǵan jaǵdaı boıynsha Shymkent polıtseıleri balanyń turǵan jerin anyqtaýǵa baǵyttalǵan barlyq qajetti jedel-izdestirý is-sharalaryn júrgizdi. Jasóspirimdi izdeýge 150-den astam polıtsııa qyzmetkerleri men eriktiler jumyldyryldy.

Shymkent qalalyq polıtsııa departamentiniń qyzmetkerleri ul balanyń aman – esen tabylǵandyǵyn habarlady.

«Ul bala tabyldy. Shymkent polıtsııasy barlyq beı-jaı qaramaıtyn azamattarǵa alǵys bildiredi» - delingen habarlamada.