Shymkentte jetkinshekti zorlady degen kúdikti eki aıǵa qamaldy

ShYMKENT. QazAqparat - Shymkentte bala zorlady degen sezikti eki aıǵa ýaqytsha tergeý abaqtysyna qamaldy. Bul týraly Eńbekshi aýdandyq sotynyń úılestirýshi sýdıasy Danııar Mademarov málimdedi, dep habarlaıdy QazAqparat tilshisi. 

Sýdıanyń sózinshe, 1985 jyly týǵan kúdiktini qamaýǵa alý týraly sanktsııa berilgen.

«Kúdiktiniń ústinen Qylmystyq Kodekstiń 121-baby 4-bóligimen ("Seksýaldyq sıpattaǵy zorlyq-zombylyq áreketteri") is qozǵaldy. Ony eki aıǵa qamaýǵa alý týraly sanktsııa berildi. Sot jabyq ótti»,- deıdi Danııar Mademarov.

Eske salaıyq, eki kún buryn qaladaǵy kópqabatty turǵyn úılerdiń birinde belgisiz er adamnyń kámeletke tolmaǵan balaǵa zorlyq jasaǵan áreketi áleýmettik jelige tarap ketken bolatyn. Keıinnen óńirdiń  polıtseıleri osy qylmysqa qatysy bar degen kúdiktiniń ustalǵanyn habarlaǵan edi. Qazirgi tańda áleýmettik jelilerge taraǵan beınetúsirilim boıynsha saraptama taǵaıyndalyp, sotqa deıingi tergeý amaldary júrgizilýde.