Shymkentte jergilikti polıtsııa qyzmetiniń burynǵy bastyǵy 7 jylǵa sottaldy
Shymkent qalasynyń Ál-Farabı aýdandyq soty kúdiktige qatysty Qazaqstan Respýblıkasy Qylmystyq kodekstiń 362-baby 4-bóligi 3) tarmaǵymen qylmystyq isti qarady.
Kúdikti Shymkent qalasynyń polıtsııa departamenti Jol-patrýldik polkiniń komandıri jáne Jergilikti polıtsııa qyzmeti bastyǵy laýazymyn atqarý barysynda laýazymdyq ókilettikterdi asyra paıdalana otyryp, óziniń qaramaǵyndaǵy polıtsııa ınspektorynan jalpy somasy 3 194 305 teńge turatyn baǵaly zattardy aldyrtyp, jábirlenýshige eleýli zııan keltirgen. Olardyń ishinde jıhaz, uıaly telefon, qol saǵaty, ıis sý, turmystyq zattar bar.
Sot sottalýshyǵa QK-niń 50-babynyń 2-bóliginde kózdelgen belgili bir laýazymdy atqarý quqyǵynan ómir boıyna aıyra otyryp, qylmystyq atqarý júıesiniń ortasha qaýipsiz mekemelerinde jazasyn óteýmen 7 jylǵa bas bostandyǵynan aıyrý jazasyn taǵaıyndady.
Aıta keteıik, sottyń úkimi zańdy kúshine engen joq.