Shymkentte jergilikti bılik pen qala turǵyndary arasynda keri baılanys ornaǵan
Shahar basshysynyń aıtýynsha, jeke qabyldaýda bolǵan azamattardyń kótergen 338 máselesine túsindirme berilgen. Sondaı-aq, 16 shaǵym qanaǵattandyrylǵan.
«Prezıdentimiz Qasym-Jomart Kemelulynyń Joldaýynda aıtylǵan «Halyq únine qulaq asatyn memleket» tujyrymdamasyn iske asyrý maqsatynda «Ashyq ákimdik» quryldy. Osy joba aıasynda ári halyqpen tyǵyz baılanys ornatý maqsatynda orynbasarlarym 1 111 azamatty qabyldady. Sonymen qatar, qaladaǵy aýdan ákimderi jeke qabyldaýdy kúndelikti júrgizedi. Máselen, 11 aıda 298 - ret jeke qabyldaý ótkizilip, 883 azamat jeke qabyldaýda boldy»,- deıdi Erlan Aıtahanov.
Qala basshysy jýrnalıstermen kezdesýde sondaı-aq, keler jyly álemdik ekinshi ustaz atanǵan uly babamyz Ábý Nasyr Ál-Farabıdiń 1150 jyldyǵy atap ótiletini jetkizdi.
«El Prezıdenti arnaıy Jarlyq shyǵardy. Búkil Qazaqstanda tıisti is-sharalar ótedi. Álemdik deńgeıde de basa nazar aýdarylmaqshy. Elbasynyń «Bolashaqqa baǵdar: rýhanı jańǵyrý» atty bastamasyn iske asyrý maqsatynda Ál-Farabı babamyzdyń «Qaıyrymdy qala turǵyndary» atty ataqty eńbegine súıene otyryp, Shymkent shaharyna «Qaıyrymdy qala» degen balama ataý usyndym. Ony qala turǵyndary erekshe yqylaspen qoldady. Qazirgi tańda, qalada pılottyq rejımde «MMEYIRIM.KZ qaıyrymdylyq elektrondy portaly jumysyn jasaýda. Portaldyń negizgi maqsaty - az qamtylǵan otbasylarǵa ashyq jáne birińǵaı áleýmettik kómekter uıymdastyrý boldyp otyr»,- dedi Erlan Aıtahanov.
Aıta keteıik, búgingi tańda portal arqyly 1246 otbasyǵa azyq-túlik, turmystyq qajettilik zattarymen kómek kórsetilgen. Demeýshilerdiń esebinen jalǵyz basty jáne kópbalaly analarǵa 45 páter berilgen. Sonymen qatar, qalada 244 qaıyrymdylyq is-shara ótkizilip, 5 519 jaǵdaıy tómen otbasyǵa azyq-túlik, kıim-keshek, gıgıenalyq zattar men kómir taǵy basqada qarjylaı kómekter kórsetilgen.
