Shymkentte jeńil kólikpen soqtyǵysqan mototsıkl júrgizýshisi mert boldy

ASTANA. QazAqparat – Búgin, 16 tamyz túngi saǵat 03:00 shamasynda Shymkenttegi Abaı dańǵyly boıynda Opel vectra avtokóligi men Yamaha mototsıkli soqtyǵysty, dep habarlaıdy QazAqparat Polisia.kz saıtyna silteme jasap.

Saldarynan 28 jastaǵy mototsıkl júrgizýshisi oqıǵa ornynda mert boldy. Al Opel júrgizýshisi men 3 jolaýshysy ártúrli dene jaraqatymen aýrýhanaǵa jetkizildi.

Atalǵan jaıtty Shymkent qalalyq Polıtsııa departamenti Anyqtaý basqarmasy QR QK 345-baby 3-bóligi boıynsha sotqa deıingi tergeýdiń biryńǵaı tizilimine tirkeldi.

Qajetti saraptamalar taǵaıyndaldy. Polıtsııa oqıǵanyń mán-jaıyn anyqtap jatyr.