Shymkentte jeńil kólik shuńqyrǵa túsip ketti
ShYMKENT. QazAqparat - Shymkentte jeńil kólik jóndeý jumystary júrgizilip jatqan shuńqyrǵa túsip ketti. Oqıǵa búgin tús aýa Baıtursynov kóshesiniń mańynda bolǵan, dep habarlaıdy QazAqparat HAA tilshisi.
Kýágerlerdiń aıtýynsha, Baıtursynov kóshesinen Bınes ortalyǵyna burylǵan tusta bıikteý jeri bar. Al jol tańdamaıtyn kóliktiń aldy uzyn ári bıikteý bolǵan soń, shuńqyr kórinbeı qalǵan. Saldarynan kólik qulap ketti. Artynsha qubyr tartyp jatqan jumysshylar kólikti kranmen kóterip shyǵarǵan. Bazbireýler kólikte bala bolǵan dep otyr. Ázirge bul aqparat rastalmady. Qalaı bolǵanda da óńirdiń tártip saqshylary osy oqıǵa boıynsha anyqtaý sharalaryn júrgizýde.
