Shymkentte jeńil atletıkadan qysqy Qazaqstan chempıonaty ótedi

QR Jeńil atletıka federatsııasynyń taratqan málimetterine súıensek, jarystyń baǵdarlamasyna naıza, dısk, balǵa laqtyrý saıystary, uzaq qashyqtyqqa júgirý (3, 5, 15 shaqyrym jáne jartylaı marafon - 21 shaqyrym), sporttyq júris (5,10, 20 shaqyrym) túrleri engen.

Chempıonatqa eresekterden bólek, jastar men jasóspirimder de qatysady.

Dál qazirgi esep boıynsha jarysqa qatysýǵa 187 sportshy ótinish berip úlgergen (110 er, 74 áıel sportshy). Ázirge jarys ıesi Ońtústik Qazaqstan oblysynan qansha sportshy qatysatyny anyqtalmaǵan. Sondyqtan bul san 200-ge jaqyndaıtyny anyq.

Olardyń arasynda 1980 jylǵy Máskeý Olımpıadasynda qola júlde enshilegen Tatıana Lesovaıanyń eki shákirti Marııa Telýshkına (dıskobol) men Dıana Núsipbekova (balǵa laqtyrý) bar. Ekeýi de jańa maýsymnan úlken úmit kútip otyr. Óıtkeni, atalǵan sportshylar Moldova astanasy Kıshınevte tanymal balǵa laqtyrýshy Soslan Margıevten tálim alyp keldi. Telýshkına sonymen qatar eki ret Sankt-Peterbýrgke oqý-jattyǵý jıynyna bardy. Onda reseılik Alekseı Andreevtiń qaramaǵynda jattyqty. Bul ekeýinen basqa elimizdegi tanymal dıskobol Aleksandra Mamontova, kópsaıysshy Sarıfa Rzaqulıevalar Shymkentte óner kórsetýge bel býyp otyr.