Shymkentte jeńgetaılyqpen aınalysqan áıel men jeńil júristi qyzdar ustaldy
Qalalyq PD baspasóz qyzmetiniń málimetinshe, reıd barysynda ortalyq kósheniń boıynda jeńgetaılyqpen aınalysatyn eki áıeldiń jeńil júristi qyzdardyń qyzmetin er adamdarǵa udaıy usynyp otyrǵany anyqtalǵan. Klıentterdi tórt qyzben kezdestirý úshin páterlerdiń birine aparyp, jolyqtyrǵan. Atalǵan jaıt boıynsha QR Qylmystyq kodeksiniń 309-baby 1-bóligimen sotqa deıingi tergep-tekserý amaldary bastaldy. Bir jeńgetaı jáne tórt jeńil júristi qyz polıtsııaǵa jetkizilip, tirkeýge alyndy. Ekinshi jeńgetaıdyń jeke basyn anyqtap, ony ustaýǵa baǵyttalǵan jedel izdestirý is-sharalary júrgizilýde.
«Jyl basynan beri qala aýmaǵynda polıtsııa qyzmetkerlerimen osyǵan uqsas qylmystyń 12 jaıty anyqtalǵan. Olardyń jeteýi monshada, úsheýi massaj salonynda jáne eki jaldamaly páterlerde oryn alǵan. Bul baǵyttaǵy jumys óz jalǵasyn tabatyn bolady», delingen habarlamada.